Justin Bieber-a'n Ramsay Hunt syndrome a nei

A show neih tur a ṭhulh tih a puanzar hnuah Justin Bieber chuan Instagram kaltlangin Ramsay Hunt syndrome a neih thu leh a hmai a zen rih thu a sawi.

Instagram video-ah JB chuan,"In hmuh ang hian ka mit ka khap thei lo, ka hmai lehlamah hi chuan nuih pawh a theih loa, ka hmai lehlam zawng hi a zeng a ni," a ti.

Kar hmasa kartir lamah khan Bieber chuan a Justice World Tour neih mek, February aṭanga a ṭan tawha show a neih tur pathum chu damlohna avangin a sawn hlat thu a lo sawi tawh a ni.

"He virus hian ka beng nerve leh ka hmai nerve a bei a, chumi vang chuan ka hmai a zeng ta a ni," tiin Canadian singer chuan a sawi. A hmai ding lam a zen rih avang hian show eng emaw zat a neih tur chu a sawn hlat leh rin a rinawm hle.