Calvin Harris hla tharah zaithiam lar dangte

Taylor Swift bialpa hlui, Scottish DJ hlawhtling Calvin Harris chuan Twitter kaltlangin a hla thar a tilar a, he hlaah hian Ariana Grande, Pharrell Williams leh Young Thug te an zai. Calvin Harris-a hla thar hi ‘Heartstroke’ a ni a, Pharrell leh Britanny te nena an phuah a ni. Eng tikah nge he hla hi a tihchhuah ang tih la sawi lo mah se, a chhuak har tawh lo mai thei.

Harris hian hman deuh lawk khan ‘Slide’ hla a lo tichhuak tawh a, he hla hi kumina a hla tih­chhuah hmasa ber a ni. Frank Ocean leh Migos te nena an tih ho a ni. Harris hian kumin hian music tam zawk tihchhuah a tum thu a sawi a, Taylor Swift nena an inṭhennain ngai a awh tawh a nih a rinawm.