Nelly Furtado-i’n a nihna a thup

Kum 2012-a The Spirit Indestructible a tihchhuah hnu khan music lam a chawlhsan deuh reuh a, hemi chhung hian Nelly Furtado chuan university-ah creative class-te a lo kal ṭhin. Class a kalnaah hian a classmate-te bulah tunge a nih a inhriattir lawk lo a, anni pawhin tunge a nih an hre lo. A zir tawp niah, a chhuahsan dawnah chauh tunge a nih a inhriattir. Furtado hian hla phuah dan vel a zir ber a, a hming laihawl zawk, Kim tih a hman avangin an hre lo. Furtado hian music lam a luhchilh leh tawh a, a album thar The Ride tichhuak turin a inbuatsaih mek a, March 31 hian a tichhuak ang.