'The Old Guard' chhunzawmnaah Uma Thurman leh Henry Golding

Uma Thurman leh Henry Golding-te chu 'The Old Guard' chhunzawmnaah an chang ve dawn.

Kum 2020-a tihchhuah Netflix superhero flick chhunzawmna siam turah 'Kill Bill' star kum 52 mi Uma Thurman leh 'Crazy Rich Asians' star kum 35 mi Henry Golding-te hi an inlan dawn tih a chiang tawh a, tu lemah nge an chan dawn tih erawh puanzar a la ni lo.

Film hmasa lama kan hmuh tawh Charlize Theron, KiKi Layne, Matthias Schoenaerts, Marwan Kenzari, Luca Marinelli, Veronica Ngo leh Chiwetel Ejiofor-te pawh an inlan leh dawn tih a chiang tawh bawk. He film hi kuminah erawh an tlangzarh hman dawn lo tih an lo sawi tawh a, nakkum chawhma lamah erawh kan hmuh hman hmel.