Toby Keith a cancer!

Country singer lar Toby Keith chuan Pathianni khan thuchhuah siamin, a pumpui a cancer thu a sawi.

Kum 60 mi Keith chuan thla ruk liam ta chhung khan a pumpui cancer vang hian treatment a la tawh tih sawiin chemo leh radiation bakah inzai hial a tawk tawh tih a sawi. "Tun thleng hi chuan ka dinhmun a la ṭha. Thawk lak ka mamawh a, chawlh hahdam leh inenkawl dam ka mamawh a ni," a ti.

Natna khirh takin tlakbuak mek mah se Keith chuan stage lama kir leh a tum hle a, "Ka chhungte bula hun hman rih ka tum a ni. Mahse engtikah emaw chuan ka fan-te nen kan inhmu leh ngei ang. Ka nghakhlel tawh hle a ni," tiin a sawi bawk.

Toby Keith hian studio album 19 lai tichhuak tawhin a album hnuhnung ber 'Peso in My Pocket' chu nikum October thla khan a tlangzarh a ni.