SEKI Season 2 : A hun a hnai zel

SEKI Inter Village Band Contest Season 2 chu a hun a hnai zel e. Karleh Ninganiah audition round ṭan a ni dawn.

Active Sound bultuma neih tur 'All Mizoram Inter-Village Band Contest' hi Open leh Under-19 category a awm dawn a, LC/VC hriatpuinain veng/khaw khat aṭangin band duh duh zat a tel theih a ni. Musician indaih lo veng an awm chuan veng/khaw dang aṭangin musician pakhat a lak theih dawn bawk a ni.

Open category-ah chuan band pakhat tan entry fee Rs 500 zel a ni a, U-19-ah chuan Rs 300 a ni thung. Active Sound, Chanmari leh GI Infotech, Zarkawt-ahte entry form hi a lak theih a ni.

June 23 leh 24 hian chawhma dar 10:30 aṭangin Vanapa hall-ah Audition round neih a ni dawn a, June 30-July 1 chhungin Top 10 inelna an nei ang. July 5-ah Top 5-te an inel anga July 8-ah final neih a ni thung ang.

He intihsiaknaa tel turte chuan June 18, 2022 tlai dar 5 thleng entry fee a pek theih dawn a ni.

SEKI-a tel tumte tana hriat tur pawimawhte chu:-

Lawmman

Open catergory

Pakhatna - Rs. 100000+citation +trophy

Pahnihna - Rs. 30000+citation

Pathumna - Rs. 20000+ citation

U-19 catergory

Pakhatna - Rs. 25000+citation +trophy

Pahnihna - Rs. 15000+citation

Pathumna - Rs. 10000+ citation

Entry Fee

Open - Rs. 500/- per band

U-19 - Rs. 300/- per band

Entry Form lakna tur

- Active Sound, Chanmari

- GI Infotech, Zarkawt

Audition Round - 23rd & 24th June

Top 10 - 30th June - 1st July

Top 5 - 5th July

Finale - 8th July