Daduhi’n Australia-ah Chapchar Kût a hmang dawn

England-a awm mek, Mizo hmeichhe zaithiam hlawhtling, Daduhi chuan Australia-a Mizo awmten Chapchar Kût an hman tur a hmanpui dawn a, Chapchar Kût an neih turah a zai ang.

Australia-a Mizo awmte hian April thla hian Chapchar Kût an hmang dawn a, Chapchar Kût an buatsaih turah Daduhi hi a zai ang. Chapchar Kût concert hi Ringwood Secondary College, Ringwood, Victoria (Melbourne khaw dai)-ah an hmang ang. Ticket pawh siam a ni a, Australian dollar 15 a ni.

Daduhi chuan, “Ka kalna tur hi concert angin an lo sawi a, concert a ni lo, Chapchar Kût­ah ka zai dawn a ni,” a ti. Daduhi hian Australia hi a la kal lo a, a vawi khat kalna tur a ni; a fapa a hruai ang.