Kanye West-a Adidas hralh zo nghal

Kanye West chuan Adidas nen ṭangkawpa an siam, Yeezy x Adidas tihchhuah thar ber chu hralh a kal hle a, an hralh zo nghal thuai.

Adidas leh Kanye West te hi thawk dunin, Yeezy x Adidas collection an siam a, Yeezy Boost 350 chu minute nga chhungin an hralh zo nghal vek. Tihchhuah a nih hma hian Kanye West hian tilar turin campaign pawh a nei chuang lo, mahse miin an duh em em vek. Hmeichhe pheikhawk, Mule PVC Clear pump te, mipa boot, Combat Boot leh Crepe Boot te erawh a la awm.

Adidas hian nikum June thla khan Kanye West nena thawhdunna, hunrei zawk atan an siam tih an puang chhuak a, a hma pawhin an lo thawk dun tawh a, kum 2013 khan Yeezy Boost 750 an lo tichhuak tawh a, kum 2015 khan Yeezy Boost 350 an tichhuak tawh bawk. Sneaker bika Kanye West hmingchawia an tihchhuah tawhte chu - Adidas Yeezy Boost 750, Adidas Yeezy Boost 350, Adidas Yeezy Boost 350 V2, leh Adidas Yeezy 950 Duck Boot te an ni.