Pu Post Malone-a leh a bialnu an inhual!

Austin Richard Post, Post Malone tia hriat lar chuan Howard Stern nen an inkawmnaah pa a nih tawh thu leh a bialnu nen an inhual thu a sawi.

Thawhṭanni khan SiriusXM radio show-ah Howard Stern nen an inkawm a, chutah chuan hemi chungchang hi sawiin,"Chawhnu dar 2:30-ah thoin, ka 'baby girl' ka va fawp a, chuan rimawi ka tum zui leh a," a ti. Hemi chungchang hi Stern chuan zawt zuiin, 'Baby girl' chu a bialnu a sawina a nih leh nih loh a zawt a, Malone chuan,"Ka fanu ka sawina a ni e," tiin a chhang.

'Rockstar' hitmaker hnenah chuan Stern chuan a kawppui (a hming sawilan loh) chu a ngaihzawng nge a nupui a nih a zawt leh a, ani chuan 'Ka fiancée a ni e," tiin a sawi zui a ni.

Thla hmasa lamah khan Billboard chuan Post Malone hian a fa hmasa ber a neih thuai dawn thu a lo tarlang tawh a, a ngaihzawng erawh tunge a nih puanzar a la ni lo.

A fanu chu engtika piang nge a nih leh a hming pawh Malone hian a la puangzar lo bawk a ni.