Yahoo Board Of Directors-ah Jessica Alba

Lemchan thiam leh Honet Company co-founder ni bawk Jessica Alba chu Yahoo board member thar a nih thu puanzar a ni a, tech, media, finance, sports entertainment leh private equity group aṭangin board member ni tur hian thlan a ni.

Yahoo hian an company-a danglamna leh hmasawnna thlen turin hruaitu hrang hrang an thlang chhuak a, Reuters lamin an tarlan dan chuan Alba bakah hian LionTree CEO Aryeh Bourkoff, tech firms Array and Sapho CEO Fouad ElNaggar, investment firm K5 Global founder Michael Kives bakah American basketball team Dallas Mavericks CEO Cynthia Marshall leh Twitter leh Google lama executive operator lo ni tawh Katie Stanton pawh board member-ah hian an tel thar.