Kum 2016-a UK-a hla hralh hnem ber One Dance

Tunlai khawvelah mipa zai­thiamah na na na chuan Drake aia ropui an awm thei lo. US-ah chauh ni loin Britain lamah pawh a tla na a, nikum chhunga UK-a hla mal hralh hnem ber pawh a hla ‘One Dance’ kha a ni.

Drake hian nikum khan ‘View’ album a tichhuak a, album hlawhtling a ni. He album-a hlate pawh an hit a, an ropui a, a hla zingah pawh ‘One Dance’ chu hla hlawhtling ber a ni. Nikum chhung khan he hla hi unit maktaduai 1.95 zet hralh a ni a, download ringawt pawh 530,000 zet niin, streaming hi maktaduai 142 a tling. He hla hi nikum chhunga UK-a hla an stream nasa ber a ni.

Hla hralh hnem ber pahnihna chu Danish band, Lukas Graham hla 7 Years a ni. He hla hi unit maktaduai 1.49 lai an hralh a, chart-ah pawh pakhatna chawlh­kar nga lai a luah thei. Sia hla ‘Cheap thrills’ chu pathumna a ni a, top 40-ah ngawt pawh chawlh­kar 38 lai lang thei kha a ni a, unit maktaduai 1.46 zet a hralh.

Mike Posner hla ‘I took a pill in Ibiza’ chu palina a ni a, unit mtd 1.38 an hralh a, Calvin Harris leh Rihanna te hla ‘This is what you came for’ chu pangana niin unit mtd 1.28 an hralh. Hralh hnem dangte chu Zara Larsson hla ‘Lush life’ te, Chainsmoker leh Halsey hla ‘Lush life’, Justin Bieber hla ‘Love yourself’, Rihanna leh Drake te sak ‘Work’ leh Justin Timberlake hla ‘Can’t stop the feeling’ te a ni.