Victoria chungah Mel B a lawm lo

Hman ni khan Victoria Beckham chuan Target store-a zawrh chhuah tur a collection tihlar nan Spice Girls-a an hla a hmang a, hei vang hian Mel B a lawm lo a, thubuai siamsak a tum.

Victoria hian Target tana a campaign ads-ah Spice Girl-a an hla a hman hma hian Spice Girls-a a band mate ten an hla an sak a lo phal lo tawh a ni. Victoria hian a phuahtu zinga a telna hla reng reng Spice Girls-a a band mate-ten an sak a phalsak lo tawh a, chumi hnuah amah ngeiin an hla a hmang ve leh thung si. Hetiang vel a nih avang hian Mel B chuan Victoria Beckham hi thubuai siamsak ve a tum.

Mel B chuan Victoria hian an band hlate chu ama sumdawnna leh eizawnna atan hmanruaah a hmang a ni a ti a, Mel B hian Victoria thil tih dan chu fair lo hle niin a hria a ni. Victoria avang hian Spice Girls reunion tur pawh an sawn hlat phah tawh a ni. Hei bakah hian lungawi lohna dang a nei a, chu chu James Corden-a Carpool Karaoke-ah Spice Girls-a an hla sak a tum vang a ni.