Drake-a album mite thinlungah a la nung zel

Music hian mi tam tak hnenah nun a pe a, an nun a tihkimsak ṭhin. Music hrang hrang zingah pawh Drake-a More Life hian mite hnenah nun a pe nasa lehzual a ni ang, Billboard 200 chart-ah pawh a vawi hnih nan pakhatna a luah leh.

Kar liam ta chhunga US-a album hralh hnem ber chu Drake-a album thar ‘More life’ bawk a ni. He album hi kar liam ta chhung khan unit 255,000 zet hralh leh a ni a, heng zinga 43,000 chu album pangngai a ni a, 169,000 thung chu streaming equivalent album a ni a, a bak hi track equivalent a ni.

‘More life’ hi Drake-a album, pakhatnaa vawi hnih awm thei pahnihna a ni a, ‘Views’ kha a hlawhtling hle a, pakhatnaah ngawt pawh vawi 13 zet a awm. Drake-a album tihchhuah tawh zawng nen, pakhatna a luah vawi 20-na a ni a, hip-hop artist zinga Billboard 200 chart-a pakhatna luah ngun ber pathumna a ni ta; amah aia pakhatna luah ngunte hi Jay-Z, vawi 23 leh MC Hammer, vawi 21 te an ni.

Ed Sheeran pawh a chhe thei tak tak lo; pahnihnaah bawk a la awm. Ed Sheeran album thar ‘Divide’ hi kar liam ta chhung khan unit 98,000 zet a hralh belh leh. Trey Songz-a album thar chu a aia chungnung pahnih an awm tlat avangin pakhatna a kai zo ta lo a, pathumnaah a ṭhu; Drake leh Ed Sheeran te hi chu awm lo se chuan pakhatna ni mai tur a ni.

Billboard 200 chart

“More Life” - Drake (255,000)

“Divide (division sign)” - Ed Sheeran (98,000)

“Tremaine The Album” - Trey Songz (67,000)

“Beauty and The Beast (2017)” Soundtrack - Various Artists (64,000)

“Hardwired...To Self-Destruct” - Metallica (50,000)

“24K Magic” - Bruno Mars (49,000)

“Moana” Soundtrack - Various Artists (46,000)

“Rather You Than Me” - Rick Ross (40,000)

“Future” - Future (39,000)

“Starboy - The Weeknd (36,000)