Nicole Kidman, Zac Efron leh Joey King chang ho dawn

Nicole Kidman, Zac Efron leh Joey King-te chu Netflix romantic comedy film siam turah an chang ho dawn.

He an film channa tur hi a film hming tarlan a la ni loa, Richard LaGravenese chu director a ni dawn tih erawh an tarlang tawh thung.

Warner Bros lama 'Ocean's Eleven' prequel an buaipui mek, Margot Robbie channa tur script buaipui mektu Carrie Solomon chun screenplay lama hmalaltu tur a ni bawk. Englam hawi nge a nih dawn tih erawh an la tarlang lo a ni.

Tun nipui chhung hi chuan Atlanta lamah chan ṭan hman an inbeisei.