Box office-ah The Boss Baby a lian

Beauty and the Beast kal lai nek thla thei an awm a la rinawm loh laiin The Boss Baby rawn chhuak chuan mi rin loh ang a thlentir; box office-ah pakhatna a luah.

The Boss Baby hian kar tawp chhung khan USD mtd 49 zet a lalut a, Beauty and the Beast hian USD mtd 47.5 a lalut thung. The Boss Baby hi animation a ni a, aw thawhtute zingah Alec Baldwin leh Toby Maguire te an tel. Beauty and the Beast hian kar tawp chhunga sum a hmuh belhte nen, ni 17 chhuah a nih tawh chhungin North America-ah USD mtd 395.5 a lalut tling tawh. Kar tawp chhung khan US pawn lam aṭangin USD mtd 66.5 lalut lehin, hengte nen hian khawvel pum aṭanga sum a thawh chhuah tawh zat chu USD mtd 875 a tling tawh a ni.

Box office movie
“The Boss Baby” - $mtd 49

“Beauty and the Beast (2017)” - $mtd 47.5

“Ghost in the Shell” - $mtd 19

“Power Rangers” - $mtd 14.5

“Kong: Skull Island” - $mtd 8.8

“Logan” - $mtd 6.2

“Get Out” - $mtd 5.8

“Life (2017)” - $mtd 5.6

“CHIPs” - $mtd 4

“The Zookeeper’s Wife” - $mtd 3.3