Hot 100-ah Ed Sheeran a la hot ber

-a hla ‘Shape of you’ hian Billboard single chart, Hot 100-ah pakhatna a luah leh a, heti hian chawlhkar 10 zet pakhatna a luah tawh. Hot 100-a chawlhkar 10 chin pakhatna luah thei mi tlem te zingah Ed Sheeran a tel ve ta. ‘Shape of you’ hi Hot 100-ah chauh ni loin, Radio Songs chart-ah pawh pakhatna a luah a, chawlhkar riat chhung pakhatna a ni. He hla hi kar liam ta khan ngaithlatu maktaduai 173 a nei.

Ed Sheeran-a a ropui viau lai hian The Chainsmokers pawh a che ngap hle. Billboard Hot 100-ah group/ duo zinga a zawna top 10-a lang rei thei ber an ni a, chawlhkar 48 chhung 'Paris' hla chu top 10-ah a la lang thei.

A zawna Billboard Hot 100-a lang rei thei ber chu Katy Perry a ni a, kum 2010-11 chhung khan chawlh­kar 69 zet Hot 100 chart-ah hian chhum lo chat loin a lang a, a dawt chu Drake niin, chawlhkar 51 chhung, kum 2015-16 chhung khan a lang. The Chainsmokers leh Ace of Base chu pathumna niin chawlhkar 48 ve ve an lang. The Chainsmokers hi kum 2016-17 chhung khan a ni a, Ace of Base hi kum 1993-94 chhung khan a ni.