Zaii Hauchhum & Vanlalhmangaiha 'Hmangaihte Hmangaihna' MV a chhuak ta

Thla hnih vel liam taah khan audio leh lyrics video an tichhuak tawh a, sawi nawn vak a ngai lo, a mawi a ni tawp mai.

Zaii Hauchhum leh Vanlalhmangiha-te chuan Rpa Ralte hla phuah 'Hmangaihte Hmangaihna' music video chu nizan lamah khan an tichhuak a, duh hun hunah Zorimawi YouTube channel lamah a hmeh chhuah theih tawh.

Lyric video YouTube lama an dah chhuah ringawt pawhin thlirtu 904k a nei tling tawh! Maktaduai a hnaih tawh viau. He hla hi Zofate'n kan ngaina tih a chiang. Music video chu Delhi lama an shoot a ni a, Needo-a direct niin nizan dar 6-ah khan Zorimawi YouTube channel-ah an dah chhuak tawh a ni.

'Hmangaihte Hmangaihna' music producer chu a hla phuahtu Rpa Ralte a ni a, guitar ri mawi tak leh class tak mai ngaihthlak tur awm kha Ephraim Malsawma kut chhuak a ni thung.