Drake-a'n album thar 'Honestly, Nevermind' a drop thut!

Canadian singer Drake chuan nimin khan album thar 'Honestly, Nevermind' a drop thut.

Drake hian album thar a tihchhuah tur hi a hmain a puangzar lawk loa, Ningani khan Instagram kaltlangin album thar a tichhuak dawn tih sawiin niminah khan a tichhuak nghal a ni.

'Honestly, Nevermind' hi Drake-a studio album pasarihna a ni a, hla 14 awmin Drake-a fan-te'n an hrechiang ang, a hit leh vek dawn sa. Drake-a album hit lo a awm ngai lo ti ila kan sawi sualin a rinawm loh.

'God's Plan' hitmaker hian a album thara hla pakhatah hian 21 Savage chu a zaipui a, hla dangah erawh artist dang thawhpui a nei lem lo. Streaming platform hrang hrangah 'Honestly, Nevermind'-a hlate ngaihthlak tur a awm tawh a ni.

'Honestly, Nevermind'-a hla awmte:-
1. Intro
2. Falling Back
3. Texts Go Green
4. Currents
5. A Keeper
6. Calling My Name
7. Sticky
8. Massive
9. Flight’s Booked
10. Overdrive
11. Down Hill
12. Tie That Binds
13. Liability
14. Jimmy Cooks
(feat. 21 Savage)