Venom 3-in script a nei der tawh!

Tom Hardy chuan Instagram lamah Venom 3 script ni ngeia lang a tarlang.

Kum 44 mi lemchan thiam hian Instagram lamah post siamin Venom 3 script kawm ni ngei tura lang- Symbiote lem, lei sen chhuah, a hnuaia 'Story by Tom Hardy & Kelly Marcel' tih leh 'written by Kelly Marcel' tih inziak bawk chu a tarlang.

Hei bak hi chu chiang takin thil dang hriat belh tur awm lo mah se Tom Hardy hian Kelly Marcel a thawhpui leh ngei dawn tih erawh a chiang. Khawthlang media-te chuan an zeldin nasa leh tawh hle a, lei sen kha Spider-Man nen an intawng dawn tih lantirnaa ngaite pawh an awm leh tawh! Dik tak maw.

Venom 3 siam a ni leh dawn tih hi April thla khan CinemaCon-ah Sony chuan an puangzar tawh a ni. Venom franchise hian film pahnih a nei tawh a, film pahnih sum hmuhchhuah belhkhawm chu $tluklehdingawn 1.4 a tling tawh a ni.