'Avatar: The Last Airbender' franchise zauh dawn

'Avatar: The Last Airbender' universe chu zauhin a awm dawn a, tunah hian a franchise movie pathum siam turin hma an la mek.

Movie an siam tur hi a series ang tho khan anime-style a ni leh dawn a, Paramount Animation leh Nickelodeon Animation-te chuan hemi chungchang hi Annecy International Animation Film Festival-ah puangzarin a movie hmasa ber chu a original series-a storyboard artist Lauren Montgomery chuan a direct dawn tih an sawi bawk.

'Avatar: The Last Airbender' co-creator- Bryan Konietzko, Michael DiMartino leh Eric Coleman-te chu producer an ni dawn. A film hming tur an la puangzar loh bakah tlangzarh hun tur pawh an la sawi lo a ni.

A original animated series kha kum 2005-a tlangzarh niin season pathum a awm a, episode 61 lai a awm bawk a ni.