John Travolta nupui Kelly Preston a thi

John Travolta nupui Kelly Preston chu hnute cancer vangin kum 57 mi niin a thi a, a nupui thih thu hi Travolta hian Pathianni zanah khan Instagram-ah a talang.

A nupui duh tak chuan kum hnih chhung hnute cancer a sual hnuah a thihpui ta tih sawiin, hauisen taka a natna chu a tuar thu leh hma­ngaihna leh thlawp­na nasa tak a dawn thu a ziak tel bawk.Kelly Preston hi lemchan thiam a nih bakah model a ni ṭhin bawk a, John Travolta nen hian kum 29 lai an innei tawhin an nupa hian Scientologists an ni. Fa pahnih Ella (20) leh Benjamin (9) an nei a, kum 2009 khan an fapa Jett, kum 16 mi chu an chan tawh bawk a ni.

Travolta chuan a nupui nun leh hmangaihna chu hriatreng a ni dawn tih sawiin, a fate'n nu an neih tawh dawn loh avangin hun eng emaw chen chu a reh tawh dawn tih a sawi lawk.

An chhungkaw aiawh thupuangtu chuan People magazine hnenah Kelly Prestone hi Pathianni zing lamah khan a thih thu a a sawi. A natna chu mi hriat lutuk loa tawrh a duh thu leh hun eng emaw chen chu treatment a lak tawh thu a sawi a ni.

Kelly Preston hi film 40 chuangah a inlan hman bakah TV series-ah pawh a inlan nual a, kum 2018-a John Travolta channa tihchhuah Gotti-ah khan an nupa hian an chang dun nghe nghe a, kha film-ah khan nupaah  tho an chang a ni.