Aizawlah Nazareth an rawn kal dawn

'Love hurts' te, 'Where are you now' aṭang ringawt pawh hian he band hi eng band nge an nih i hre nghal thei ang. Khawvela huap­a band hlawhtling ṭhin, keini, tlangram kilkhawr thlenga an hlate kan sakpui theih, Nazareth band ngei mai kha Aizawl-ah an rawn kal dawn.

Scottish band hlawh­tling Nazareth hian April 11 khian Tribal Art Centre, Tanhril-ah concert an rawn nei dawn a, anni rual hian India rama band lar leh hlawhtling Parik­rama an rawn tel bawk dawn. Parikrama hian tunah hian kum 25 an dincham an lawm mek a, Aizawlah hian Parikrama hi an la zai ngai lo a, an facebook page-ah pawh Aizawl an kal chak thu an ziak a ni.

Nazareth hi Aizawl bakah Shillong-a concert tur an ni a, Aizawlah hian ticket man Rs. 800 a ni a, vehicle pass siam a ni bawk ang. April 8 hian Shillong-ah concert an nei ang. Ticket hi ZOfood, Y2Goal Agencies (Chanmari), Lawma Enfield (Sikulpuikawn) leh BHO (Chanmari) ah te April ni 8 (Inrinni) aṭangin lei tur a awm ang.

Tuna Nazareth band line-up
Pete Agnew (bass, backing voals)
Jimmy Murrison (guitar)
Lee Agnew (drums backing vocal)
Carl Sentance (vocals)

Nazareth band hi kum 1968 khan Dunfermline, Scotland-a din a ni

Kum 1971 khan album an ti­chhuak a, kum 1973 khan tour-ah Deep Purple an zui

Kum 1975 khan Hair of the Dog an tichhuak a, American version-ah Everly Brothers-in an lo sak tawh 'Love Hurts' an dah a, a hit hle

Love Hurts hla hi US leh UK chart-ah a hlawhtling hle a, platinum certificate a hmu hial

Original member, McCafferty chuan hrisel lohna avangin August 2013 khan band a chawlhsan a, Pete Agnew chuan an band hi a ho