Parema hla music video-in siam

Tunlaia fakna hla phuahtu lar, Ṭhazual chart-ah pawh a hla phuahte hlawhtling em em, Parema, R. Lalremruata hla phuah hmasa, a album-a la tihchhuah loh chu tuaithar a ni a, music video siamin, Zonet lamah pawh an dah tawh.

Parema’n kum 2008-a a phuah, a album tihchhuah tawha la dah loh, ‘Hmangaihtu Lal Isua’ tih hla chu music video-ah siam a ni a, he hla hi tunlaia fakna hla lama zaithiam kan neih ṭhat, Zoa, Henry Varte, Stacy, Hlimhlimi leh Mawitei ten an sa. ‘Hmangaihtu Lal Isua’ tih hla hi Parema hla phuahte khungkhawmna album ‘Phu loh hmangaihna’ album an siam lai khan an telh ve leh tâk loh a ni. Tuna music video-a siam a nih leh hnuhnawha he hla satu - Zoa, Henry Varte, Stacy, Hlimhlimi leh Mawitei te hi tunlaia kan neih ṭhat ber ber an ni a, Ṭhazual chart-ah pawh pakhatna lo luah fo tawh an ni. Parema hian a hla phuahte hi album-in a siam nual tawh a, panga lai a siam tawh.

‘Hmangaihtu Lal Isua’ music hi slow rock lam hawia siam a ni a, live recording a ni bawk. Music track-ah hian drums hi Mala vuak a ni a, guitar hi Toya Renthlei leh BZA te an ni. Music video thung hi SVP kutchhuak a ni a, Toya Ren­thlei hian music a arrange.

He hla phuahtu Parema hi cancer natna avanga enkawl mek a ni. He natna a tawrh aṭanga Pathianin a pawlnate chu hla ṭha tak takin a siam a, Ṭhazual Fakna chart hnu­hnung bera pakhatna luahtu Fiona Pachuau sak ‘I hming chauh’ hla kha ama phuah a ni. Khami chart-ah khan pathumnaa awm, TBC Zaithanpuia sak ‘Nang chauh i ni’ tih leh, palina, Bethsy sak ‘Mifelte chauh thlang lova’ tih te kha a phuah bawk an ni.