MPSC Challenge Inter College Quiz Hrangbana College an thiam ber
MSU bultum a, MPSC, Apex Bank leh RUSA te ṭangkawpin an buatsaih, 2nd MPSC Challenge Inter College Quiz chu zawh fel a ni tawh a, Hrangbana College-in an thiam ber a, Govt. Aizawl North College chu pahnihna an ni.
Pakhatna Hrangbana College hian Rs. 40,000 bakah trophy leh citation an dawng a, pahnihna hian Rs. 20,000 bakah trophy leh citation an dawng. MPSC Challenge Inter College Quiz-ah hian college 17 lai an tel a, Aizawl pawn aṭangin college paruk an tel. Zawhna zawng zawng 406 aṭangin zaa 49 chhan dik a ni a, nikum ai khan zaa 11 zetin chhan dik a tam zawk.
Final zanah hian ‘Zofood Best Quizee’ thlan a ni a, zawhna pasarih chhang diktu Malsawmkimi (HBC) chu thlan a ni. He intihsiakna neih a nih chhunga Best Quizee 2017 (best performer of the competition 2017) atan zawhna 23 chhang diktu Malsawmkimi (HBC) tho hi thlan a ni.