'ZOFATE U, FINNA ZAWNG ULA' TLANGZARH

F. Vanlalrochana lehkhabu ziah 'Zofate u, Finna zawng ula' chu Inrinni liam ta khan MPSOA guest house, CID Tlang, Bungkawnah tlangzarh a ni.

Tlangzarh inkhawm chu Hmingsanga'n kaihruaiin Lalzarzova, Asst Professor, MZU chuan lehkhabu thlirna a sawi a, tlangzarhtu bik awm loin tlangzarhnaa kalte aṭangin inko chhuakin a huhoin an tlangzarh.

He lehkhabu hi phek 218-a chhah niin Fraser Media and Publication tihchhuah a ni a; Rs 300 man a ni. Thuziak 28-a awm a, Philosophy lam te, mihring nun inkaihhruaina leh khawtlang nun thlirna te, Kristianna lam hawi thuziakte khungkhawm a ni. A ziaktu chuan a lehkhabu buatsaih ve tawha a ngaihhlut ber leh a uluk ber a nih thu a sawi.