Adele Hmeichhe zaithiam record siamtu
Adele hian a album hnuhnung zawk 21 hmangin Billboard 200 chart-ah record a siam a, hmeichhe zaithiam zinga album, Billboard 200-a lang rei thei ber neitu a ni. A album 21 hi kum 2011-a a tihchhuah kha a ni a, Billboard 200 chart-ah hian chawlhkar 319 chhung a lang ta, a hmaa record holder, Carole King album Tapestry chu a rawn khum a, he album hi chawlhkar 318 chhung a lang.
21 album hi March 12, 2011 khan album chart-ah rawn langin pakhatna a luah nghal a, heta ṭang hian Billboard 200 chart-ah a la lang ta ngar ngar a ni. He album hian pakhatna hi vawi 24 zet a luah nghe nghe. A hmaa record siamtu Tapestry album hi Carole King album a ni a, kum 1971-a tihchhuah kha a ni. Chawlhkar 302 chhung Billboard 200 chart-a a lan hnuah he chart
aṭang hian a chhuak a, kum 2010 khan a rawn lang thar leh a ni.
Billboard 200 chart hi regular taka tihchhuah a nih hnua album lang rei thei ber chu Pink Floyd album hit, kum 1956-a an tihchhuah, The Dark Side of the Moon kha a ni a, chawlhkar 927 zet a lang a, a lang hnem fal hle. A dawta lang hnem leh chu Johnny Mathis album Johnny’s Greatest Hits kha a ni a, chawlhkar 490 chung a lang a, My Fair Lady original soundtrack chu chawlhkar 480 a lang a, Bob Marley & The Wailers album Legend chu chawlhkar 463, Journey album Greatest Hits chu chawlhkar 454, Metallica album Metallica kha chawlhkar 424, G n’ R album Greatest Hits kha chawlhkar 393, Nirvana album Nevermind kha chawlhkar 355, Eminem-a album Curtain Call: The Hits kha chawlhkar 334 a lang a, hengte hi album, Billboard 200-a lang hnem te an ni.