Bieber Purpose tour a neih aṭangin sum a lalut hnem hle

Justin Bieber hian chanchin ngaihnawm lo deuh deuh nei fo mah se, hei hian a tour a nghawng buai lo. A tour, Purpose tour hi a hlawhtling hle a, USD mtd 200 zet a hmu chhuak.

Purpose tour hi nikum March 9 khan Seattle aṭangin bul a ṭan a, kumin September 6 thleng khian a awh dawn a, a tawpna tur hi ama ram, Canada-a Toronto khawpui­ah a ni ang. Concert neihna tur hmabak lian tak tak a la nei a, Israel a tlawh dawn a, Puerto Rico te, South Africa leh Europe a la fang dawn. Tuna a tour aṭanga sum a hmuh zawng zawng hi USD mtd 200 a ni. Ticket a hralh tawh ringawt pawh hi maktaduai thum a tling tawh a ni.

Kuminah show vawi 10 chauh a la nei a, a larna hian hlawh­tlinna a pe nasa hle a, USD mtd 40 vel chu la hmuh­chhuah belh leh thei tura ngaih a ni.