'Aladdin' director-in 'Hercules' remake direct dawn

'Aladdin' director Guy Ritchie chuan Disney-in Hercules an siam thar leh tur chu a direct dawn.

Hemi chungchang tarlangtu The Hollywood Reporter chuan Marvel film hit tak mai 'Shang-Chi and the Legend of the Ten Rings' script ziaktu Dave Callaham chuan draft hmasa ber a ziak der tawh tih an sawi.

'Avengers: Endgame' director Joe leh Anthony Russo-te chuan an AGBO company kaltlangin an produce dawn bawk.

Hetihlai hian Aladdin chhunzawmna pawh siam tumin Disney lam hian hma an la mek niin tunhnai lawk khan tarlan a lo ni tawh bawk a, writer John Gatins leh Andrea Gerloff-te chu he project-ah hian an inrawlh dawn nia sawi thawmte pawh a lo awm tawh a ni.