Nazareth Vawiinah Aizawl an rawn thleng dawn Concert ticket zuar chhuak tan

Shillong-a Polo Ground-a concert an neih hnuah, Nazareth chuan vawiin hian Aizawl an rawn lut dawn. Naktuk zanah Nazareth India tour-a an show pakhat tur chu Tanhril-a Tribal Art Centre-ah an ṭan dawn.

Kum 30 vel zet hnuah a vawi khat nan Nazareth hi India-ah an rawn lang a, chu mai ni loin Aizawl tlang ngei an rawn chuang chhuak dawn ta. Aizawl an concert neihna hmun tur pawh peihfel mek a ni a, India rama chah luttu, Pencil Entertainment ten an rawn ho dawn. Hetihlai hian an zaipui tur, Parikrama band chuan nimin khan Aizawl an rawn lut.

Nazareth concert ticket pawh zawrh chhuah ṭan a ni a, pakhat hi Rs. 800 man a ni a, Y2Goal Agency, Chanmari leh Lawma Enfield, Sikulpuikawnah te zawrh chhuah a ni a, concert an neihna hmun turah concert hmain ticket hi zawrh chhuah a ni bawk ang.