Ian McKellan-a’n Harry Potter-a a chan loh chhan a sawi

Lord of the Rings-a Gandalf lema chang Ian McKellan hi Harry Potter film-a Albus Dumbledore lema chang tura sawm a ni a, mahse a lo hnar. A lo hnarna chhan McKellan chuan a sawi a, chhan eng emaw ṭha tak a nei.

Harry Potter film-a Albus Dumbledore lema changtu original Richard Harris kha a thih hnu khan Ian McKellan hi chang tura sawm a ni. McKellen chuan a lo hnar a, a hnarna chhan ber chu Albus Dumbledore lema changtu original Richard Harris khan amah hi a approve lo a ni tiin BBC a hrilh.

Harry Potter film-ah hian Albus Dumbledore lemah a tir phat aṭang khan Richard Harris a chang a, film pahnihna hnuah khan a thi a, a aia chang turin McKellen hi an bia a, mahse McKellen hian a lo ‘aw’ tak loh avangin Harry Potter pathumna aṭang khan Michael Gambon chuan a chang ta a ni.