Fakna chart-a fak phu ber Fiona Pachuau
Fiona Pachuau hi In Vogue Ṭhazual Fakna chart-ah tuna fak phu ber a ni a, a zawnin pakhatna vawi hnih a ni. A hmaa fakna chart tihchhuahah khan 'I hming chauh' hmang bawk hian pakhatna a lo luah tawh.
In Vogue Ṭhazual Fakna chart tihchhuah thar berah pakhatna ngai Fiona Pachuau chu pakhatnaah bawk a fu leh a, ani hi Mizo mipuiten kan hriat tirh aṭangin thiam kan tih kha a ni a, a thiam ngaiin a la thiam reng. Pakhatna a nihpui hla 'I hming chauh' hi Parema phuah a ni a, 'Ka vui lo Lalpa' album-a mi a ni.
'Ka vui lo Lalpa' album hi a ṭha a, he album-a mi hlate hian chart-ah pakhatna an luah ta fo. Kumina fakna chart tihchhuah tawh chinah 'Ka vui lo Lalpa' album-a hlate hian pakhatna an la luah char char. Lalremsiami, Nunui hla 'Ka vui lo Lalpa', Mawitei ft Open Strings 'A vul zel', TBC Zaithanpuia 'Nang chauh i ni' hlate an ni.
Pahnihnaah TBC Zaithanpuia hla 'I hming chauh' tih a rawn kai chho a, he hla hi a hma khan pangana a ni. Pasarihna aṭangin Grace Lalchhanhimi hla 'Kross-ah chuan' tih chu pathumnaah a rawn chuang chhuak bawk.
Top 10-ah a thar pahnih kan hmu; Sangtei Renza chu a vawi khat nan 'Hnehna hla' hmangin pasarihnaah a rawn lang a, Lalhlumawii hla thar 'Ka lal i ni si' tih chu 10-naah a rawn lang bawk. Bektei Sailo 'Ka va ngai em' leh Lalremsiami, Nunui hla 'Malin ka awm lo' te chu an chhuak.
In Vogue Ṭhazual Fakna
1 Fiona Pachuau - I hming chauh
2 TBC Zaithanpuia - Zawh ka zuam lo
3 Grace Lalchhanhimi - Kross-ah chuan
4 Pensy B. Lalthangliani- Ka inhumhimna
5 Sawmtea - I tan ka hlan
6 Hlimhlimi - In enfiah rawh
7 TBC Zaithanpuia - Nang chauh i ni
8 Sangtei Renza - Hnehna Hla
9 Bethsy Lalrinsangi - Mifelte chauh thlang lova
10 Lalhlumawii - Ka Lal i ni si