Drake-a More Life a la pui ber
Canadian zaithiam hian North America dung leh vâng a la fan a, Drake-a More Life aia ropui an awm thei lo. Billboard 200 chart-ah a zawna a vawi thum nan pakhatna a luah leh.
Drake album thar ber More Life hi ama album tho, Views hnua pakhatna a zawna vawi thum luah leh thei hmasa ber a ni a, kar liam ta chhung khan copy 136,000 a hralh belh leh. More Life album hian Views kha a tluk pha ang em tih an thlir mek. Views album khan a zawnin pakhatna ṭum kua a luah a, a hnua pakhatna a luah leh te, a vaiin vawi 13 zet pakhatna a luah.
More Life album 136,000 an hralh zinga 16,000 hi album pangngai a ni a, a bak chu album tlukpui a ni.
Ed Sheeran pawh pahnihnaah bawk a awm leh a, a album Divide chu 80,000 a hralh leh. Kodak Black album Painting Pictures chu copy 71,000 hralhin pathumnaah a awm a, Bruno Mars album 24K Magic pawh palinaah a la awm thei a, copy 48,000 a hralh. The Weeknd album top 10 aṭangin a chhuak a, Kristian band hlawhtling, MercyMe album thar ‘Lifer’ chu copy 33,000 hralhin top 10-ah a lang.
Billboard 200 chart
“More Life” - Drake (136,000)
“Divide (division sign)” - Ed Sheeran (80,000)
“Painting Pictures” - Kodak Black (71,000)
“24K Magic” - Bruno Mars (48,000)
“Beauty and The Beast (2017)” Soundtrack – Various Artists (46,000)
“Moana” Soundtrack - Various Artists (44,000)
“Emperor of Sand” - Mastodon (43,000)
“Future” - Future (38,000)
“Culture” - Migos (34,000)
“Lifer” - MercyMe (33,000)