Game of Thrones chhunzawmna?!

Khawthlang media ṭhenkhat chuan mi tam takin a hmawr bawk a nih dan an sawisel Game of Thrones chhunzawmna siam a ni dawn tih an tarlang tlat mai!

The Hollywood Reporter pawh hemi chungchang tarlangtu zingah hian telin kar hmasa lamah khan HBO lamah hmalak ṭan a ni tih an sawi tawh a, mahse HBO lam chuan hemi chungchangah hian thuchhuah an la nei lo. Thudik ni tak maw!

An tarlan dan chuan fan-te'n an ngainat ber mai Kit Harrington chu Jon Snow lemah a chang leh dawn a, mahse THR lam hian an source an la tarlang tel lo a ni.

GOT season tawp berah khan Jon Snow khan a hming dik tak chu Aegon Targaryen, Iron Throne luah theitu thlah kalzel a ni tih a inhre chhuak a nih kha. Mahse Westeros lam chhuahsanin North of the Wall lamah hun a hmang chhunzawm ta thung a, tuna a chhunzawmna chungchanga thu thar awm hi a dik a nih chuan engtiang takin nge an rawn chhunzawm dawn tih hriat a chakawm tawh viau mai.

Kit Harrington hi GOT tawp hnuah khan film budget lian tak takah a inhnamhnawih zui leh tawh a, chung zingah chuan Marvel Cinematic Universe film nikuma tlangzarh 'Eternals' pawh kha a tel a bu.

Hetihlai hian tunah hian GOT prequel series 'House of the Dragon' chu tlangzarh mai turin ruahmanna an siamfel tawh a, August 21-ah hian tlangzarh a ni ang. He series erawh hi chu GOT hma kum 200 vela thil thleng angin an siam thung.