Box Office ; 'Lightyear'-in 'Jurassic World: Dominion' a ngam lo

'Toy Story' spin-off, $maktaduai 200 vel lai senga an siam 'Lightyear' chu tlangzarh ni tawh mah se Box Office lama roreltu chu 'Jurassic World: Dominion' tho a la ni.

Jurassic Park franchise film parukna 'Jurassic World: Dominion' hian kar tawp liam ta khan theatre 4,697 aṭangin $59,010,000 lai a la hmu chhuak a, a sum hmuh chhuah tawh zawng zawng chu $623,287,690 lai ni tawhin kumina film tlangzarh sum lalut tam pangana a ni der tawh.

'Lightyear'
'Toy Story' spin-off 'Lightyear' chuan theatre 4,255 aṭangin $50,577,961 lai sum lalut mah se pakhatna a ni zo lo. He film hian US pawn lamah $33,649,017 lalut bawkin $84,226,978 lai sum a lalut tawh a ni.

'Lightyear' hi critics lamin an fak angreng viau hlawm a, rating pawh tunhnaia film chhuak thar hoah chuan hmu ṭha pawl tak niin Rotten Tomatoes lamah chuan mi 236-in an review aṭangin 6.80/10 a hmu.

Film thar dang
Top 10-ah film thar lang dang pakhat a la awm a, chu chu 'Brian and Charles' tih niin 10-na a ni.

Box Office Mojo chart lamah film 34 tihchhuah a ni a, Abandoned (17), The Witch: Part 2. The Other One (18) leh Official Competition (21)-nate chu film thar an ni bawk.

Box Office top 10:-
1 Jurassic World: Dominion $ 59,010,000
2 Lightyear $ 50,577,961
3 Top Gun: Maverick $ 44,000,455
4 Doctor Strange in $ 4,449,680
the Multiverse of Madness
5 The Bob's Burgers Movie $ 1,173,640
6 The Bad Guys $ 980,000
7 Everything Everywhere All at Once $ 959,631
8 Downton Abbey: A New Era $ 830,000
9 Sonic the Hedgehog 2 $ 228,392
10 Brian and Charles $ 198,000