Boss Baby Ngamtu an la awm lo

Movie thar a chhuak a, animated movie dang pawh a chhuak a, mahse The Baby Boss pawtthla thei an la awm lo. The Baby Boss hian USD mtd 26.3 lakluh belhin, kar tawp chhunga sum lalut hnem ber a la ni.

The Baby Boss film hian kar tawp ni thum chhunga USD mtd 26.3 a lakluh belh leh te nen North America

aṭang hian USD mtd 89.4 lai a lalut tling ta. Pahnihnaah Beauty and the Beast bawk a la awm a, he film hian USD mtd 25 a la leh. Hengte nen hian Beauty and the Beast hian North America-ah USD mtd 432 a lalut tawh a, khawvel puma a hmuh tawh zawng zawng hi USD mtd 977.4 zet a ni tawh.

Movie thar rawn chhuak, beisei sang tak nena thlir, pahnihna pawh luah zo ta lo chu Smurfs: The Lost Village a ni. He animated movie hian kar tawp ni thum chhung khan USD mtd 14 a thawk chhuak. Kum 2011-a The Smurfs leh kum 2013-a The Smurfs 2 te a hlawhtlin viau avang khan phur takin a chhunzawmna hi an siam a, beisei ang erawh a ni lo hle.

Box office movies

“The Boss Baby” - $mtd 26.3

“Beauty and the Beast (2017)” - $mtd 25

“Smurfs: The Lost Village” - $mtd 14

“Going in Style” - $mtd 12.5

“Ghost in the Shell” - $mtd 7.4

“Power Rangers” - $mtd 6.2

“Kong: Skull Island” - $mtd 5.8

“Logan” - $mtd 4.1

“Get Out” - $mtd 4

“The Case for Christ” - $mtd 3.3