HIV/AIDS Bill Lok Sabha-in a pass

Lok Sabha chuan Thawhlehni khan Human Immunodeficiency Virus (HIV) and Acquired Immune Deficiency Syndrome (AIDS) (Prevention and Control) Bill, 2017 chu pass-in Act-ah a chantir.

India ramah hian, kum 2015 thleng khan HIV hrik pai mi maktaduai 2.1 vel an awm nia hriat a ni. HIV kai thar an tlahniam hle a, a hma nena khaikhin za zela 67 ngawtin a tla hniam. A hmain kai thar hi nuai 2.5 an awm anga ngaih a ni a, tunah chuan 85,000 chauh an ni ta. AIDS kaihhnawih thihna pawh za zela 54 ngawtin a tlahniam.

India hian Antiretroviral Treament (ART) programme lian ber a kalpui mek a, sorkar laipuiin a tarlan dan chuan ART atan hian kum khatah Rs. vbch 2000 zet hman a ni. India ramah hian HIV test-na hmun 22,000 a awm a, HIV test hi vawi vbch 2.9 neih a ni tawh a, heng zinga vbch 1.3 hi raipuar an ni.

Sorkarin Human Immunodeficiency Virus (HIV) and Acquired Immune Deficiency Syndrome (AIDS) (Prevention and Control) Bill, 2017 a pass taka hriat tur pawimawh ṭhenkhatte:

r Zirna ina admission leh hnaah te HIV leh AIDS veite chu a vei lote nen dikna leh chanvo inang an nei

r HIV kaite chu hnathawhna hmunah te, employment-ah te, treament-ah te thleibikna a awm tur a ni lo. Hemi anga ti lo chu hrem theih an ni

r HIV hrik paite a thlawna enkawlna an dawn theihna tura hmalak tur a ni

r HIV hrik pai kum 18 hnuai lamte chu an chhungkuaa awm theihna chanvo an nei a, chhungkuaa an thil neih ang ang pawh a hmang ve thei ang

r Mi, a phalna leh a hriatpuina tel lo chuan HIV test, research leh medical treament tih a ni lo. Mi tupawh HIV-a an status puang tura nawr luih tur a ni lo, a ṭul a nih chuan court hriatpuina nena tih tur a ni