Beauty and the Beast-in USD tld a lalut tling

14th April, 2017

Emma Watson channa, Beauty and the Beast film chu a hlawhtling zel a, khawvel pumah USD tluklehdingawn a hmu chhuak tling ta.

Sawiselna tam tak kara tihchhuah Beauty and the Beast hi a hlawhtling zel a, tunah hian khawvel pumah USD tld 1.002 a lalut tling ta. US leh China te chu a sum hmuhna lian an ni.

North America bikah Beauty and the Beast hian USD mtd 438.3 a lalut a, ram dangah USD mtd 564.1 a lalut bawk. Ram dang aṭangin China bik hi sum a hmuh hnemna ber a ni a, China

aṭang chauh hian USD mtd 85.6 a thawk chhuak a, UK-ah USD mtd 76.6 a hmu bawk. Brazil-ah USD mtd 37, Korea-ah USD mtd 34.4 leh Mexico-ah USD mtd 28.8 te hmuin, heng ramte hi sum a hmuhna lian deuhte an ni.