Billboard 200 Chart-ah BTS-in album paruk pakhatna an nihpui ta

Tunhnaia band anga chawlh lailawk puangtu BTS chuan an album thar ber, anthology album 'Proof' chu Billboard 200 chart-ah pakhatna an nihpui a, chart topper album paruk an neihna chiah a ni.

Kar liam ta chhung khan equivalent album units 314,000 hmu chhuakin Billboard 200 chart-a topper an nih bakah hian Artist 100 chart, Album sales chart leh Social 50 chart lamah pawh pakhatna an ni bawk a' Billboard Global Excl.US chart-ah an hla 'Yet to Come' chu pakhatna a ni ve leh bawk a ni. Chart topper pawh lo ni tawh Bad Bunny album 'Un Verano Sin Ti' chu pahnihna a ni thung a, Harry Styles album thar 'Harry's House' chu pathumna a ni ve bawk.

Single chart lamah erawh Harry Styles 'As It Was' bawk a che ṭha leh a, Hot 100 leh Billboard Global 200-ah pakhatna a ni leh ve ve a ni.