Hot 100 chart-a tuma tluk theih loh Mariah Carey & Boyz II Men

Drake ‘Ropuia’ kan ti a, Ed Sheeran a ‘hit’ te kan ti a, amaherawhchu anni hian Mariah Carey & Boyz II Men te an tluk thei lo. Billboard Hot 100 chart-ah Drake leh Ed Sheeran te hi ropui mah se, anni aia ropui, tuma tluk theih loh chu Mariah Carey leh Boyz II Men te an ni a, anni hian an hla ‘One Sweet Day’ hmangin Billboard Hot 100-a pakhatna luah ngen ber record an siam.

Billboard Hot 100 chart-a hla mal, pakhatna luah ngun ber chu ‘One Sweet Day’ a ni a, he hla hi Mariah Carey leh Boyz II Men te sak a ni. He hla hi kum 1995 Dec 2 aṭang khan Billboard Hot 100 chart-ah pakhatna a luah ṭan a, a vaiin vawi 16 zet pakhatna hi a luah zui thei. Billboard Hot 100-a pakhatna luah ngun ber hla a ni a, a record hi khum thei an la awm lo.

Pakhatna luah ngun ber dawttu hi hla pasarih ngawt a awm. Bruno Mars leh Mark Ronson te sak ‘Uptown Funk’ khan pakhatna vawi 14 a luah a, Black Eyed Peas hla ‘I gotta feeling’; Mariah Carey hla ‘We belong together’, Elton John hla ‘Candle in the wind’ leh ‘Something About the Way You Look Tonight’; Los Del Rio hla ‘Macarena (Bayside Boys Mix)’; Boyz II Men hla ‘I’ll make love to you’ leh Whitney Houston hla ‘I will always love you’ te hian pakhatna vawi 14 ṭheuh an luah.

Brandy & Monica hla ‘The boy is mine’ leh Boyz II Men hla ‘End of the road’ te chu pakhatna luah ngun lamah pathumna ve ve an ni a, Billboard Hot 100 chart-ah pakhatna vaw 13 ve ve an luah.

“Closer,” The Chainsmokers feat. Halsey; “See You Again,” Wiz Khalifa feat. Charlie Puth; “Blurred Lines,” Robin Thicke feat. T.I. + Pharrell; “Boom Boom Pow,” The Black Eyed Peas; “Yeah!,” Usher feat. Lil Jon & Ludacris; “Lose Yourself,” Eminem leh “Smooth,” Santana feat. Rob Thomas te chuan Billboard Hot 100 pakhatna hi vawi 12 ṭheuh an luah.