Furious 8-ah Paul Walker an ngai
Fast and Furious film kal zela a pariatna, Fate of the Furious chu an chhuah ṭan ta a, he film changtutena an sawi ber chu Paul Walker a ni. An ngaihzia thu an sawi.
Michelle Rodriguez chuan Paul Walker chu he film laipui ber a ni a ti a, “Paul Walker tel loa chan chu a changtuten harsa kan ti tlang hle,” a ti. Ani hoa chan kha nuam an ti tlang hle ṭhin tih sawiin, naupang chhia deuhin a hlim ṭhin a, chu chuan midangte a tiphur hle ṭhin a ti bawk.
Vin Diesel pawh Paul Walker tel loh avanga hrehawm ti ber zinga mi a ni. “Berbecue scene kan siam hian amah tel loin kan ti ngai lo. A tel loa berbecue scene han chan chu rilru hian ‘khawiah nge Paul?’ a ti a, awm lo a zawngṭhin,” a ti a, “Mittui tla ṭeuha Michelle Rodriguez ka hmu zui a, min rawn pan a, lungchhe takin kan inkuah a ni,” a ti.
Fate of the Furious film hi April 4 khan Berlin, Germany-ah an chhuah a, US-ah chuan tun Zirtawpni khan an chhuah thung. Vin Diesel, The Rock, Jason Statham, Michelle Rodriguez, Tyrese Gibson, Charlize Theron, Helen Mirren te an chang.