Michelle aiah Aziri a rawn ding chhuak
In Vogue Ṭhazual Lengzem chart-ah Aziri a rawn lang a, Michelle Varte a tawlh thla ta. Pakhatnaa Michelle Varte hi vawi hnih a awm hnuah 'Eng vangin nge?' hla hmangin Aziri'n pakhatna a rawn luah.
Aziri hi chart-a pakhatna a luah vawi khatna a ni a, mithar zawkin music lama kan hriat ṭhan Michelle Varte a rawn pawtthla thei a, Aziri hi a thiam hle tih a lang. 'Eng vangin nge?' tih hla hi March 20 khan Ṭhazual chart-ah a rawn lang ṭan ve chauh a, a vawi thum lannaah pakhatna a luah thei.
Music video pahnih chauh a la siam a, a music video pahnihnaa a invawrh tlin theih avang hian Aziri hi a neu lo hle. 'Bengchheng' tih hla, May nena an sak YouTube-ah pawh dah a ni a, khami hnua a music video leh chu tuna pakhatna luah ta 'Eng vangin nge?' tih hla hi a ni leh mai. Aziri hian music video dang tur pawh a ngaihtuah mek a, mahse harsatna a nei, a duh ang hla a la hmu lo. 'Eng vangin nge?' tih hla hi hman deuh lawka chatuan ram min pansan ta, Zoremi Colney phuah kha a ni.
Pathumna aṭangin Feli Fanai hla 'Theih chang se' tih chu pahnihnaah a rawn chho a, Michelle Varte hla, pakhatna vawi hnih luah tawh 'Sakhmelṭhachuang' chu pathumnaah a chhuk thla.
Top 10-ah a thar pahnih an rawn lang a, Intonation music video thar 'Tlai khat' chu paruknaah a rawn lang a, Laithangpuia Kullai hla 'Tawn leh ka nuam' chu pakuanaah a rawn lang thar. Kimkima hla 'Ka zei an ti ṭhin' leh Mathlenga hla 'Zawlkhaw Dingdi' te chu top 10 aṭangin an chhuak.
In Vogue Ṭhazual Lengzem
1 Aziri - Engvangin nge
2 Feli Fanai - Theih chang se
3 Michelle Varte - Sakhmelṭhachuang
4 Mathlenga - Zawlkhaw Dingdi
5 Caseys Secret - Duhaisam
6 Intonation - Tlai khat
7 Marshall FK ft Ruatfel- Fahrah nun
8 Grace - No khat
9 Laithangpuia Kullai - Tawn leh ka nuam
10 Pantei - Tawnmang