Spice Girls reunion an la beisei

Mel B leh Victoria Beckham te inkar ṭha lutuk lo mah se, Emma Bunton leh Geri Horner te chuan Spice Girls reunion an la beisei fan.

Emma Bunton chuan Spice Girls hi an inzawmkhawm leh thei lo a nih chuan a zahthlak dawn hlea a hriat thu a sawi. Baby Spice tia hriat lar ṭhin, kum 41 mi hian amah leh Geri (Halliwell) Horner te chuan Spice Girls group hi an inzawmkhawm leh theih nan theihtawp an chhuah dawn tih a sawi.

Emma chuan, "Hemi chungchang hi an sawi reng. A mak ropui dawn hian ka hria a, chuvang chuan Geri nen hian theihtawp kan chhuah a ni," a ti. Album an tichhuak leh thei a nih phei chuan a ropui dawn hlea a hriat thu a sawi a, ṭhangtharte hmaa han perform leh chu a nuam dawna a hriat thu a sawi.

An inzawmkhawm lehna daltu lian ber chu Victoria Beckham a ni a, hemi hnu hian Melanie C pawhin a rawn duh lo ve leh. Tunhnaiah Victoria Beckham-i'n Spice Girls-a an hla chu Target-a a thawmhnaw vel tihlar nan a hmang a, Mel B chuan a sawi­sel a, a ṭul anga dan hmanga hmalak a hnial loh thu a sawi. Hetiang hi an boruak ni mah se, Emma Bunton chuan reunion hi a la beisei viau.