Paul Walker tel loa hlawhtling Fate of the Furious

Furious film pariatna, Fate of the Furious chu Paul Walker awm loh hnuah pawh a hlawhtling nasa mai a; Paul Walker awm lo mah se, amah ngaihhlutna leh ngaihna avanga hlawhtling a nih hmel viau.

Fate of the Furious hian kar tawp ni thum chhung khan North America-ah USD mtd 100.2 zet mai a thawk chhuak a, khawvel pumah chuan USD mtd 532.5 a thawk chhuak heu mai. Khawvel puma movie tihchhuah debut-ah sum lalut hnem ber a ni. Tihchhuah a nih hmasak ber chawlhkara sum lalut hnem ber record siamtu ṭhin chu Star Wars: The Force Awakens kha a ni a, kum 2015-a tihchhuah kha a ni. Kha film khan debut weekend-ah USD mtd 529 a lalut a, The Fate of the Furious hian a rawn luah lan ta a ni.

Hetiang taka a hlawhtlinna chhanah Paul Dergarabedian chuan, “Fast and Furious film-ho hrim hrim a hlawhtlinna chhan ber chu a theme vang hi a ni; eng culture-ah pawh a leng a, a inhmeh em em vek a ni,” a ti. A chan leh kalphungah khawvel pum hriat thiam theih a nih vang niin a ngai.

A hmaa pakhatna lo luah tawh The Boss Baby chu pahnihnaah a awm a, kar tawp chhung khan USD mtd 15.5 a lakluh belh.

Box office movie

“The Fate of the Furious” - $mtd 100.2

“The Boss Baby” - $mtd 15.5

“Beauty and the Beast (2017)” - $mtd 13.6

“Smurfs: The Lost Village” - $mtd 6.5

“Going in Style” - $mtd 6.3

“Gifted” - $mtd 3

“Get Out” - $mtd 2.9

“Power Rangers” - $mtd 2.8

“The Case for Christ” - $mtd 2.7

“Kong: Skull Island” - $2.6 million