The Chainsmokers-in Drake an rawn nek chhuak

Drake-a’n ropuina a chang reng ta bik lo. The Chainsmokers chuan album thar ‘Memories...Do Not Open’ an rawn tichhuak a, he duo hian pakhatna an rawn luah nghal.

Billboard 200 chart-ah The Chainsmokers album thar ‘Memories...Do Not Open’ hian pakhatna a rawn luah a, kar liam ta chhung khan unit 221,000 zet mai hralhin Drake-a album ‘More life’ aiin an rawn hralh hnem a, pakhatna an rawn luah chiang.

The Chainsmokers album hi Billboard 200 chart leh Top Dance/ Electronic Albums chart-ah kum thum hnua a ruala pakhatna ni leh thei hmasa ber a ni. Kum 2013 khan Lady Gaga album ARTPOP chuan he chart pahnihah hian a rualin pakhatna a lo luah tawh.

Drake album ‘More life’ chu pahnihnaah a awm a, copy nuai khat chuang lai an la hralh thei cheu. Chawlhkar thum chhung pakhatna a zawna a luah hnuin pahnihna a la luah thei a, chawlhkar linaah pawh hian copy 108,000 lai a la hralh thei. Ed Sheeran album Divide chu pathumnaah a chhuk a, kar liam ta chhung khan copy 70,000 zet a hralh thei.

Billboard 200
“Memories...Do Not Open” - The Chainsmokers (221,000)

“More Life” - Drake (108,000)

“Divide (division sign)” - Ed Sheeran (70,000)

“PTX Vol. IV - Classics” - Pentatonix (54,000)

“All-Amerikkkan Bada$$” - Joey Bada$$ (51,000)

“24K Magic” - Bruno Mars (45,000)

“Moana” Soundtrack - Various Artists (43,000)

“Painting Pictures” - Kodak Black (39,000)

“Future” - Future (38,000)

“Pure Comedy - Father John Misty (35,000)