Edu Fest-ah mithiam chah chhuak

April 21 leh 22-a Millenium Centre rooftop-a Edu Fest neih tur atan career subject hrang hrang lecture sawi turin state pawn mithiam dangte chah chhuah an ni.

Edu Fest neih turah hian institution 40 vel an rawn tel dawn a, a hmunah admission a tih theih ang a, counselling te a awm bawk ang. Hemi pah hian Millenium Centre Rofftop-a hall an siamah career Niche neih a ni dawn. Career niche-ah hian university professor leh mithiam ten khawvel competition kara inhaichhuah dan te, subject hrang hrang thlan tur a tamzia te, hna kalphung, hna zawn dan leh a kaihhnawihte an sawi dawn a ni. Edu Fest buatsaihtute chuan Plus 2 result nghak mek te, college zirlai leh ṭhalaiten he hun hi chhim se an duh. Edu Fest Career Niche seminar hi luh man a awm lo a, ni hnih chhungin nitin 11-1 PM leh 2 -3PM ah te career sensitization hi neih tum a ni.

Edu Fest hi trademark nei, East India-a education fair lian ber a ni a, a tum ber chu zirlai leh zirna in te tana dawhsan khata hmai­chhana inhmuhtir a ni. Chawhma dar 11 aṭang­a tlai dar 5 inkarah tlawh theih a ni a, nitin lucky draw a awm ang a, sel­fie stick, smart phone, pen drive, OTG te a tlawhtute tan man theih a ni. Ni­lengin quiz neih a ni dawn a, lawmman a awm ang a, luh man a awm lo ang.