Numaligarh Refinery tihchangtlunna turin MoU ziak

Assam-a Numaligarh Refinery tihchangtlunna turin Indian Oil Corporation Limited leh Numaligarh Refinery Limited-te chuan Pathianni khan inremna, Memorundum of Understanding (MoU) an ziak.

Inremna ang chuan Numaligarh Refinery hi tihlen tur a ni dawn a, Odisha-a Paradip Port aṭanga Assam-a Numaligarh-a oil lakluhna tur pipeline km 1400-a thui siam a ni ang. Hei bakah hian crude storage tank leh pump house-te sak a ni dawn a, heng zawng zawng atan hian cheng vaibelchhe 1,000 ruahman a ni. MoU ziahna hun hi Union Minister for Road Transport, Highways and Shipping Nitin Gadkari, Union Minister of State for Petroleum and Natural Gas Dharmendra Pradhan-te'n an telpui bakah, Assam finance minister Himanta Biswa Sarma leh commerce and industry minister Chandra Mohan Patowary-te pawhin an tel a ni.