Dua Lipa: A thlalak a IG-a a post avangin an khing (leh tawh!)

English singer Dua Lipa chuan Instagram lamah paparazzi-te'n a thla an laksak a post a, chumi avang chuan khin a tawk. A hma pawhin hetiang chiah hian khin a lo ni tawh bawk.

U.S. District Court, California-ah a khinna thubuai hi thehluh a ni a, New York lam mi photographer Robert Barbera chuan July 2018-a thla a laksak chu Dua Lipa chuan social media platform lamah hian a post nia sawiin copyright infringement dan bawhchhiaa puhin a lakah thubuai a thehlut.

Robert Barbera hian tunhmain milar dang pawh a khing tawh a, kum 2019 khan Ariana Grande chu Instagram lama a thlalak a post vanga khing tawhin January 2020 khan he thubuaiah bawk hian a khing leh. October 2019 khan Justin Bieber pawh a lo khing tawh a ni.