Ed Sheeran Shape of You A hniam thei lo

Billboard Hot 100 lamah chuan Ed Shee­ran-a hla ‘Shape of You’ a neu tak tak thei lo, pakhatnaah chawlhkar 12 chhung a awm ta.

Billboard Hot 100-ah hian pakhatnaa vawi 12 chin lang thei hla 12 chauh a awm a, chung zinga pakhat chu Ed Sheeran-a ‘Shape f You’ hi a ni. Nikum September aṭanga November chhung khan The Chainsmokers hla ‘Closer’ chu pakhatnaah vawi 12 a awm a, hemi hnua chawlhkar 12 chhung pakhatna luah leh thei hmasa ber chu Ed Sheeran-a Shape of You hi a ni.

‘Shape of You’ hla hi Radio Songs chart-ah pawh chawlhkar 10-nan pakhatna a luah leh a, he chart-a pakhatna vawi 10 ni thei hla hmasa ber a ni. Streaming Songs chart-ah chuan pahnihna a ni a, April 13 chawlhkar chhung kha US-ah stream hi maktaduai 41.5 a awm. Digital Song Sales-ah thung chuan pathumna a ni a, chawlhkar liam ta chhung khan download hmanga an hralh hi 66,000 lai a ni a, a hma leh chawlhkar aiin zaa 13-in a tlem tawh zawk mah mah.

Harry Styles hla thar ‘Sign of the Times’ chu Hot 100 chart-ah hian palinaah a rawn lang thar a, Digital Song Sale-ah erawh chuan pakhatna a ni thung. Chawlhkar khat chhung­in copy 142,000 zet a hralh hman. Streaming lamah erawh chuan maktaduai 16.5 stream a ni a, 18-na a ni.