India-ah ramngaw a zau belh

Environment chan­china chanchin ṭha chu India ramah ramngaw a zau belh a, khawvel huap­a ramngaw zau belh dan nena khaikhin pawhin India rama ramngaw zau belhna hi a nasa zawk.

Ministry of environment and forests secretary Ajay Narayan Jha chuan, “Kum 30 chhunga mi pakhat tana ramngaw neih zau zawng chhutah, khawvel pumah hactare 0.8 aṭanga 0.6-a a tlak thlak laiin India-ah chuan a zau belh thung a, a zau belhna hi 1.82% a ni,” a ti. He thu hi Dehradun-a Forest Research Institute-a 19th Commonwealth forestry conference neiha a sawi a ni.

Jha chuan India ram zaa 24 hi ramngaw a ni a, chu chuan carbon ton tluklehdingawn 7 a hip ral thei a ni a ti a, “Kum 2030 khi chuan tuna carbon a hip ral theih zat bakah carbon top tluklehding­awn 2.5 aṭanga 3-a carbon hip ral belh thei tura tihpun tum a ni. Hemi ti hlawhtling tur chuan thing kan phun belh leh a ngai dawn a ni,” a ti.