BTS-in Busan tan Global Concert nei dawn

BTS chuan band anga kal rih loin, solo project lamah an insawrbing rih dawn tih an sawi hnuah, Busan World Expo 2030 promote-na turin an band chuan global concert an nei dawn tih an puang leh.

World Expo 2030 thlen diltu zingah South Korea-a Busan Metropolitan City hi telin, K-pop icon BTS hi ambassador atan an ruat a ni. Ambassador atana ruat an nih hnuah Busan puala global concert neih an tum thu hi an puang zui ve nghal a ni.

HYBE chairman Bang Si-Hyuk leh CEO Park Jiwon, Busan metropolitan city mayor Park Heong-joon-te chuan memorandum of understanding (MoU) an ziak a, he inremna an siamah hian BTS chuan Busan-in World Expo 2020 a thlen theihna tura hmalak pui turin ambassador an ni dawn a, Global Busan Concert buatsaihin an official social media channel leh thil dangahte promotional video an thehdarh bawk ang. Hei bakah hian Expo nghahna tur thlan dawn niah pawh an thlawpna lantirin an awm ve tur a ni, tihte a tel.

Chairman Bang chuan an ramin World Expo 2030 thlen ngei tuma a beihna chu a pawimawh zia an hrechiang a, hei vang hian BTS leh HYBE chuan Busan-ah expo hi nghah a nih ngei theihna turin an theihtawp an chhuah dawn tih a sawi.